Luuliyo

Duqa magaalda Columbus Michael B. Coleman ayaa todobaadkaan mar labaad ku dhawaaqay in aanay da’yartu dibadaha wareegi karin wixii ka danbeeya 1100 habaynimo. Coleman waxaa uu yiri : tani waa mid ka mid ah dadaalkeena aan ugu jirno badbaadinta ubadka iyo yaraynta danbiyada la xariira da’yarta aan xiliyadaasi mashquulsanayn.

Duqa magaalda oo ka hadlayay xarun ku taal degmadan Frenklin ayaa cadeeyay hadii ciidanka Booliisku qabtaan ilmaha wixii waqtigaas loo gaaro inay gaynayaan xarunta Booliska, kadibna loo yeeri doono walidiiinta ilamaha. Waxaa kaloo uu intaasi ku daray in waalidka la saari doono ganaax gaaraya $500 waa hadii arrintani mar-labaad dhacdo.

Sharcigan cusub ee la xariira da’yarta ayaa hirgalintiisu bilaabatay horaantii bishan Juun, ayadoo ay si raasmi ah u baahiyeen dhamaan warbaahinta magaaladan Columbus.  Waana lagama maarmaan inay qoysaska Soomaaliyeed ee reer Columbus ku baraarugsanaadaan arrintan.