Ahmed Hosh

luuliyo

Qaar akamid ah Maktabadaha magaalada Columbus ee dadka Soomaaliyeed kamid yihiin macaamiishooda ayaa ku hawlan siday u kordhin lahaayeen agabka ama tixraacyada la xariira dhaqanka iyo taariikhda Soomaalida.

Macaamiisha Soomaalida ee iyagu taga maktabadahaas ayaa had iyo jeer ah kuwo doonaya inay wax ka ogaadaan dhaqankooda iyo taariikhdooda walow aysan marktabaduhu haynin agabka Soomaaliyeed sida kuwa gaar ahaan dhalintu baahida u qabto ama doonayaan inay helaan.

Nieco Nowels, oo iyadu maamusha Maktabada Westerville ayaa go'aan satay inay arritnaas wax ka qabato, agab dheeri ahna u hesho ardayda Soomaaliyeed ee iyagu imanaya maktabadaas doonayana inay wax ka bartaan ama helaan macluumaad la xariira hidii iyo dhaqankoodii.

"dhowrkii buug ee aan horey u haynay waxay ahaayeen kuwo had iyo jeer lala maqan yahay, mana aynaan awoodin inaan kaabno baahida macaamiisheena afka Soomaaliga ku hadasha" sidaas waxaa tir Nowels.

Waxaa lagu qiyaasay 38% ardayda dhigata iskuulada xaafada Westerville oo tiro guud dhan 1,200 oo arday oo dhamaan luuqadooda kowaad tahay afka Soomaaliga.

Nowels oo sii qeexday arrinta waxay tiri: "Wixii ka horeeyay bishii ina dhaaftay Maktabada Westerville waxaa yaalay 47 buug oo kaliya, waxaa lagama maar-maar moqotay in arrinta wax laga qabto loona helo ardayda Soomaaliyeed agab intaan ka badan"

Maktabada Westerville waxaa ay iminka sookordhiyeen Buugaag iyo DVD gaaraya 40,  taasoo labo jibaartay agabkoodii hore. Agabkan cusub ayay martabadu la kaashatay Tricia Ross oo arruurisa tixraacyada Soomaalida la halmaala.

Ubadka Soomaaliyeed ayaa ayagu ah kuwo baahi weyn u qaba barashada hidaha iyo dhanqanka Soomaaliyeed, si ay u bartaana waa inay helaan agab iyo tixraacyo ku filan oo ay akhriyaan, dhagaystaan ama daawadaa.

Hadaba dadka Soomaaliyeed ee baahida u qaba barashada taariikhdoodu waa inay ka codasdaan maamulka maktabadaha waa 'Libareriga' xaafadoodu siday buugta iyo wax yaabaha kale ee dhaqanka iyo taariikhda la halmaala ugu soo kordhin lahaayeen maktabada. Ayagoo qaadi lahaayeen tilaabo lamid ah mida ay Ms. Nowels maamulaha maktabada westerville qaaday oo ah mid wax weyn ku soo kordhisay Soomaalida reer Westerville iyo gabi ahaan ummada Soomaaliyeed.

Barashada taariikhda iyo dhaqanka goonidaahi waa halbowlaha ummada, Martabaduhuna waa halka ugu muhiimsan ee suurto galin karta arrintaas.