Sharci dajiyayaasha gobolka Ohio ayaa
soo jeediyay in luuqada Eglishka laga dhigo luuqada
kaliya ee gobolka OHIO.ayagoo doonaya in dadku bartaan
luuqada Englishka.
Waxaynu wada noqonaynaa Maraykan hadii aan kuwada
hadalno hal luuqad, sidaa waxaa yiri Courney Combs.
kadib markii aqalka sharci dajinta gobolka la soo
hordhigay sharcigan cusub ee lagu doonayo in meesha
looga saaro luuqada kale English kuna u qaato kaalinta
koowaad.Sharciganai wuxuu dhiiri galinayaa in dadka
dalkaan u soo haajiray bartaan luuqada Englishka ayuu
yiri Combs oo hadalkiisii watay.
Laakiin urur isagu u dhaqdhaqaaqa arrimaha dadka
Latiinkaa ee ku hadla Isbanishka ayaa sheegay in
sharcigani khatar weyn ku yahay gobolka Ohio, ayagoo
yiri hadii dawlada gobolka rabto in dadku Luuqada
Englishka ku hadlaan waa inay maal galiyaan barashada
luuqada.
2006 ayaa sharcigan waxaa bilaabay Rep. Robert
Mecklenborg, asagoo u jeedadiisu tahay in gabi ahaanba
hawlaha gobolka loo adeegsado luuqada englishka, dhamaan
xafiisyada dowladuna waxay isticmaalayaa luuqada
Englishka oo kaliya, si loo hormariyo barasha luuqada ee
dadka muhaajiriinta ah. Sharcigani se ma noqonayao mid
ka horyimaada kuwa heerka dowladeed, iyo hawlaha
caafimaadka iyo amniga gobolkan OHIO.
Waa in dawladu gacan ka gaysato sidii shacabka
badanaya ee reer OHIO u baran lahaayeen luuqada
Englishka noqdaana mareykan. Waxaa sidaa yiri Mauro
Mujica Madaxa U.S Eglish Inc. tani waxay abuuraysaa dad
wax soo saarkoodu sareeyo, waxayna yaraynaysaa dabaqada
luuqadeed ee jirta. Waxayna dadka reer OHIO cadeeyeen in
dowladu ka howl gasho horumarinta Englishka iyo sidii
loo bari lahaa dadka soo galootigaa,. Ayuu yiri Mujica
asagoo hadalkii sii sii watay.
Arrintan la xiriirta luuqadu maahan mid ku kooban
OHIO oo kaliya ee gobolo gaaraya 30 ayaa horey u
hirgaliyay sharci midkaan lamid ah. Waxaa jirta in 77%
dadka reer ohio doonayaa in luuqada Englishku noqoto
mida rasmigaa ee gobolka, sidaas waxaa cadeeyay cilmi
baaris ay samaysay hayada lagu magacaabo Mason_Dixon
sanadii 2006da. |
