Abdirizak Ahmed

Dadwaynaha reer Kenya ayaa si weyn u soo dhaweeyay guusha uu Senator barack Obama kasoo hooyay in uu noqdo musharaxa xisbiga dimuqradiga u taagan doorashada guud ee madaxweynenimo oo dhici doonta sanadkan 2008 bishiisa 11aad.

Dad u hanbalyaynaya obama ayaa fariimo kasoo kala dirayay magaalooyin badan oo kamid ah dalka Kenya, sida Kisumu, Nairobi, Mombassa, Garissa, iyo Mooyaale iyagoo waliba u rajeeyay Obama in uu ku guulaysto madaxwenenimada.

Madaxweynaha dalka Kenya Mwai Kibaki iyo raaisul wasaarihiisa Raila Odinga ayaa ahaa kuwa ka hadla arinta Obama, ayadoo madexweyne Kibaki uu ku suganaa magaalda Arusha ee dalka Tanzania uu u hanbalyeeyay, sidoo kale raa'isulwasaare Raila Odinga ayaa ku tilmaamay guusha Obama mid taariikhi ah.

Obama ayeeydii aabe Sarah Hussein oo 86 sano jir ah ayaa kula hadashay dadka tuulada ay degantahay ee Alege Kogelo ee degmada Si'aya, halkaas oo ah halka uu ku dhashay Barack Obama aabihii waxayna aad ugu mahadcelisay dadka Mareykanka ah ee wiilka ay ayeeyada u tahay doortay.

Sarah Hussein ayaa maalintii Arbacada ahayd ku qaadatay dhamaan waqtigeedii ku hadal qadka telephonka ay kula hadlaysay qaraabadeda kala jooga Mareykanka, Ingiriiska iyo Koonfur Africa ayna kala hadlaysay natiijada doorashadii dhacday talaadada.

Waxaan u safri doonaa dalka mareykanka si aan goob joog uga ahaado dhaarta madexwenenimo ee wiilkayga oo aan hubo inuu ku guulaysan doono, laakiin joogi mayo waqti dheer ayay hadalkeeda raacisay.

Madexweyne ku xigeenka dalka Kenya Kalonzo Musyoka ayaa sidoo kale ku tilmaamay guusha Obama mid taariikhi ah. timidna xili ku haboon

Xaqiiqiyan waxay ahaan doontaa arin taarikhi ah maadaama ay suurtogal tahay inuu noqdo madexwenihii ugu horeeyay ee dalka Mareykanka xukuma kana soo jeeda qaarada Africa.

Safiirka u jooga dalka Mareykanka wadanka kenya Micheal Ranenberger ayaa yiri guusha Obama waxay saameyn weyn ku yeelan doonta dalka Kenya.

Inkabadan 350.000 oo Kenyan ah ayaa ku nool dalka mareykanka , ayadoo 7.000 oo kalena ay booqdaan dalka mareykanka sanadkii taasoo muujinaysa ku luglahanshaha weyn ee reer Kenya dalka Mareykanaka ayaa waxa yiri safiir Ranenberger.

Dabaaldagii ka dhacayay halka Obama aabihii uu ku dhashay ee Si'aya ayaa shaashadaha caalamka oo ay ugu horeysa CNN ayaa si toos ah looga daawanayay. Waxaase warbaahinta degamadaa qabsatay kamid ahaa BBC, Reuters, Aljazeera iyo kuwo kale oo badan, si kastaba ha ahaatee waxay sugayeen warbaahintani Sarah mudo saacado ah ayadoo noqotay qof-caan ah.

Waxaase sidoo kale xusid mudan inay badatay  dadka Obama qaraabaysanaya tan iyo markii lagu dhawaaqay guushiisa.

Sarah ayaa sheegtay in markii Obama waalaashii Rita Auma Obama uu ku nool south Africa ay isoo wacday iina sheegtay warkan farxada leh, ayaan ku iri Mahad eebaa iska leh ayadoo hadalkeeda sii wadata ayay tiri Waan jeclahay Africa, hada waayeel baan ahay Mareykana waa qabow ay adagtahay ku noolaanshihiisa, balse waan booqan doonaa Hadii Alle idmo Insha Allah.

Gobolka waqooyi bari ee Kenya oo ay daganyihiin dad isir ahaan ka soo jeeda dalka Somalia ayaa ayaguna si weyn usoo dhaweeyay guusha Obama, waxaase xusid mudan in sanadkaan bilowgiisii ay taagerayaasha u ololaynayay Hillary Clinton ay aalada Internetka ku faafifiyeen sawirka Obama oo xiran dhar dhaqameed ay leedahay beesha soomaliyeed ee degan degmada wajir ee dalka Kenya . Hadaba ninkii ay Obama wada sawirnaayeen oo lagu magacaabo Mohamed Hassan Mumin ayaa sheegay in uu aad ugu faraxsanyahay guusha Obama una rajeeyay in jagada madaxwenenimo ku guulaysto,

Ugu danbeyntii dadka Kenya ayaa u arka inuu Obama u yahay ku dayasho wanaagsan dhalinta da’da yar ee reer Kenya ee soo kacaysa.