Abdirizak Ahmed

Luuliyo, Columbus, OH

Hillaty Clinton oo aheyd mid ka mid ah musharaxiintii xisbiga dimuqaraadiga ee doorashada madaxtinimada dalka Mareykanka oo si cad shaaca uga qaaday inay  taageerayso Barack Obama oo mar looltan xoog badani kala dhaxeeyay ayaa hada ka midaysan sidii xisbigoodu ugu guulaysan lahaa   aqalka cad ee looga arimiyo wadanka Mareykanka.

Isu soo bax balaaran oo ka dhacay New Hampshire ayaa markii ugu horeysay waxaa si wadajir ah loogu arkay Hillary Clinton iyo Barack Obama oo isku mabda’a ah isla markaana isku olaleynaya si xisbigooda Dimuqraadiga uu uga guulaysto xisbiga Jamhuuriga ee haatan haya hogaaminta talada Mareykanka.

Isu soo baxaan oo ay ka hadleen Obama iyo Hillary ayaa wuxuu ka dambeeyey ka dib markii martiqaad qado ah ay ku qaateen magaalada Washington D.C waxaana kulankaasi Obama uu ugu yaboohay Ms Clinton in uu gacan ka gaysan doono bixinta qarashka daymaha ee lagu leeyahay Hillary ee ay gashey intii ay isaga kula loolamaysay qofka xisbiga Dimuqraadiga u matalaya doorashada madaxtinimada xisbiga dimuqraadiga.

Hillary Clinton  ayaa taageerasha xisbiga dimuqaariga ee ay la hadashey waxay ugu baaqdey inay taageeraan oo ay u codeeyeen Obama.

"Hadii aad ku fakaraysaan waxaan u baahanahay dariiq cusub, qorshe cusub iyo ajnade cusub ka dibna waa inaad codkiina siisaan Barack Obama, waxaadna markaasi ka dib heli doontaan fursada aad doonaysaan”sidaasi waxaa u sheegtey taageerayaashii jidbaysnaa ee isu soo baxay Hillary Clinton. Wuxuu u shaqeyn doonaa idinka, wuxuu u dagaalami doonaa idinka, wuxuuna u istaagi doonaa idinka maalin walba aqalka cad  ayey mar kale tiri Hillary Clinton oo ay gacmaha ishaysteen Barack Obama.

Obama oo ka Hadley isu soo baxaasi ayaa wuxuu si aad ah u amaanay Hillaty Clinton iyo saygeeda oo u horey u ahaa madaxweynaha Mareykanka, waxaana isagoo faraxsan uu la qaybsadey taageerayaasha marxabaysan ee xisbiga dimuqraadiga ereyo ay ku dhawaaqayeen oo ahaa waad mahadsantahay Hillary.

Barack Obama ayaa wuxuu sheegay in xisbiga dimuqraadiga uu u baahan Hillary iyo odeygeeda Bil Clinton waa hadii Dimuqraadigu ay doonayaan inay ku guuleystaan madaxtinimada .

Si aad ah ayaan ugu baahanahay, kaliya ma ahan olalahayga, laakiin dadka Mareykanka waxay doonayaan shaqadooda, riyadooda iyo waliba maskaxdooda ama fahamkooda sidaasi waxaa yiri Obama oo si weyn ay uga muuqatay farxad xoogan.