Ahmed Hosh - Kooj

luuliyo

Tim Russert oo ahaa madixii wakaalada waraka NBC laanta Washington, isla markaana ahaa wariyihii ku caanbaxay waraysiyada siyaasigaa ee barnaamijkii loo yiqiinay “Meet the Press”, ayaa wadnuhu istaagay xili uu ku jirin hawshiisii wariye nimo, uuna ku sugnaa xafiiska NBC ee magaalda Washington maalintii Jimcaha.

Tim waxa uu ahaa 58 jir kamid ah dadka ugu magaca dheer dalkan Mareykanka. Tom Brokaw oo shaacbixiyay geerida Tim ayaa yiri “Waa arrin murugo leh inaan idiin sheego geerida ku timid Tim Russert oo wadnuhu istaagay isagoo ku jira shaqada” Tim ayaa dhawaan ka soo noqday fasax ay isga iyo xaaskiisa Maureen Orth ugu dabaal dagayeen qalinjabintii wiilkooda Luke oo dhawaan ka qalinjabiyay jaamacada Boston.

Madaxd-weyne George Bush ayaa si murugaysan uga tacsiyeeyay geerida Suxufigaan. “Tim Russert waxaa uu ahaa suxufi qiimo badan oo qadarin mutaystay, wuxuuna ahaa shaqsi aad u wanaagsan”. Sidaa waxaa yiri Anderson Cooper oo ka tirsan CNN, joogayna Africa.

Dadka caankaa ee codkooda ku biiriyay tacsida, ayaa waxaa kamid ah: Sen. Barack Obama, musharaxa madaweyne ee Xisbiga Dimoquraadiga, Sen. John McCain oo isna ah Musharaxa madaxweyne ee Xisbiga jamhuuriga, Sen. Helliray Cillinton iyo hogaamiye yaal kaloo can ah.

Waxaa xaqiiqaa in caalamku si-weyn u tabi doono Tim Russert, balse hadii aan dib ugu noqono taariikhdiisii dheerayd ee suxufi-nimo: Waxaan marnaba la iloobi doonin barnaamijkii hirgalay ee “Meet the Press” oo uu daadihin jirey, lana baahin jirey maalin kasta oo Axada. Tim waxaa uu gacan qaadi jirey si hufana u waraysan jirey dadka aduunka ugu caansan, waxaana daawadayaashu uga barteen su’aalo aan leex-leexasho lahayn oo si buuxdana uga turjuma dareenka bulshada.

Tim waxaa uu siyaasada New York soo galay 70 tamaadkii, asagoo 1977 illaa 1982 noqday madaxa shaqaalaha ee Senator Daniel Patrick  Moynihan, oo ahaa dimoquraad laga soo doortay New York sanadii 1976 kii. Wuxuu kaloo gacan weyn ka gayastay doorashadii Mario M. Cuoma oo loo doortay duqa magaalda New York sandii 1982 kii. Asagoo noqday la taliyaha qaaskaa ee duqa magaalda New York intii u dhaxaysay 1983 – 1984.  

Dhab ahaantii waxaa uu ahaa wariye u jajaban shaqadiisa, had iyo jeerna soo ban-dhigo gundhiga arrinta doodu ku wajan tahay ee markaas la qaadaa-dhigayo.