Luuliyo

Laba kamid ah shaqaalaha hay’ada Qaramida Midoobay laanteeda badbaada iyo amniga ee loo yaqaan UNDSS ayaa lagu afduubay magaalada Xudur ee gobolka Bakool. Labaadan qof ee iyagu ahaa shaqaalaha QM ayaa ka soo kala jeeda wadamada Swedish iyo Danish, waxaana la sheegay in loo afduubay dhanka Wajid ee isla gobolka Bakool.

Shaqaalahan lagula kacay afduubka ayaa magaalda Xudur u joogay inay ka caawiyaan dadka deegaanka khatarta miinooyinka iyo wax-yaabaha qarxa intaan la afduubin kahor, waa sida uu sheegay Kjell Larsson oo ah agaasimaha hayda Caalamigaa Swedishka ee qaabilsan badbaadinta Shaqaalah

Wariye ku sugnaa magaaladaas ayaa sheegay in todobo qof ku dhaawacantay kuwaas oo uu ku jiro gudoomiyihii degmada. Waxaa kaloo la cadeeyay in shaqaalahan aysan wax dhaawaca halkaas ka gaarin lana kaxaystay ayagoo bad’qaba.

Afduubkan loo gaystay shaqaalaha gar-gaarka ayaa lala xiriirinayaa inay gaysteen xoogaga midowgii maxkamadaha ee kol-hore ciidamada Itoobiyanku kaga itaal roonaadeen koonfurta Soomaalia.

Magaalada Xudur oo kamid ah magaalooyinkii ay saameeyeen dagaaldii dhex-maray dalalka Soomaaliya iyo Itoobiya sanadii 1977kii ayay khatar weynku hayeen  miinooyinka iyo wax yaabaha qarxa sodonkii sano ee la soo dhaafay.. sababta ugu weyn ee shaqaalahaas la afduuaby ay halkaasi u tageen waxa ay ahayd inay yareeyaan wax yeelooyinka ay walxaha qarxa dadka deegaanak u gaystaan.

Hardanka siyaasada Soomaaliya ayaan suurto galin in dowlad dhexaa laga helo dalka tan iyo intii ka danbaysay markay bur-burtay dowladii dhexe ee uu hormuudka ka ahaa Madaxweyne Maxamed Siyaad Bare.